कोशीमा नयाँ सरकार गठनविरुद्ध परेको रिट न्यायाधीश फुँयालको इजलासमा

काठमाडौँ - कोशी प्रदेशका निवर्तमान मुख्यमन्त्री केदार कार्कीले दायर गरको रिटमा आजका लागि सुनुवाइ पेशी तोकिएको छ ।

कार्कीले दायर गर्नुभएको रिट न्यायाधीश हरिप्रसाद फुँयालको एकल इजलासमा पेशी तोकिएको छ ।

प्रदेश प्रमुखको कार्यालय, प्रदेश प्रमुख परशुराम खापुङ, सभामुख अम्बरबहादुर विष्ट, नेकपा एमालेका प्रदेश संसदीय दलका नेता हिक्मतकुमार कार्की तथा संकल्प प्रस्तावका समर्थकहरूलाई विपक्षी बनाइएको रिटमा नेपालको संविधानको धारा १३३ ,२ ,३ बमोजिम उत्प्रेषण, परमादेशलगायत उपयुक्त आदेश जारी गर्न माग गरिएको छ ।