ठमेलको होस्टलमा चिनियाँ नागरिक मृत भेटिए

काठमाडौँ । काठमाडौँको ठमेलस्थित नेपालय होम होस्टलमा एकजना चिनियाँ नागरिक मृत भेटिएका छन् ।

यही १० माघदेखि नेपालय होम होस्टलमा बस्दै आएका चिनियाँ नागरिक ४७ वर्षीय बाओ ग्वाङ मृत अवस्थामा भेटिएका हुन् ।

शवलाई पोष्टमार्टमका लागि त्रिवि शिक्षण अस्पताल महाराजगञ्ज पठाएको प्रहरीले जनाएको छ । प्रहरीका अनुसार पोष्टमार्टम प्रतिवेदनबाट उनको मृत्युको कारण खुल्नेछ ।